غرام أحباب ..

هذي أول قصيده بالمنتدى ,,
و هي للشاعر حامد زيد :: غرام أحباب ..


على ذاك الطريق اللي يسمونه غـرام أحبـاب
وطت رجلي على دربه ولا أدري وش نوا فيني
تبعته لا خر دروبه لين ان القمر قـد غـا ب
تعـب قلبـي ولا تعبـت مسافـات تودينـي
لقيت الليله الجردا هدب ضل وسما وأعشـاب
بعـد ذاك الظـلام اللـي يتوهنـي عناوينـي
صدفتك معجبه فيني وياليت الغـرام أعجـاب
وتراك انتي الهنوف اللي هقيتـك تستحقينـي
عطيتك عشق من قلبي وسلمت لغـلاك رقـاب
وغيـرك يحتـرق قلبـه ولايقـدر يحاكينـي
أنا قبلك صدفت عيون لكن ويش جاب لجـاب
ترى كـل العيـون اللـي لقتنـي ماتكفينـي
رماني حضي العاثر عليك وجيت لـك طـلاب
ولا انتي اللي عشقتيني ولا انتي اللي عتقتيني
تعالي وأرحمي ذاك الخفوق المولـع المرتـاب
ماهو بلأجلي عشان الله يجازيـك ويجازينـي
تعدي في سما عشقي ولوعشقي خراب أصحاب
وصوني بالهواء نفسك قبل لانتـي تصونينـي
وشيليني على متنك خفـوق بـاري منصـاب
ومن فوق الغرام العـذب شيلينـي وحطينـي
ولامنك هقيتينـي شجـاع ومايطيـق يهـاب
أنا لك بالهـواء والله مثـل مانتـي هقيتينـي
انا مامشي ورا غيرك ولو أنـه يطـق البـاب
وترى عيب علي أطعن ولو كثـرت سكاكينـي
زهـود مايطيـق الـدم لا دايـن ولاطـلاب
شجاع وعارف نفسي وأضـن انـك تعرفينـي
غيور ماعرفت أضحك مع الغدر ببرود أعصاب
ابيع عيونـي الثنتيـن قبـل أنـك تخونينـي
وأذا شد الغرام احط قلبي بيـن نـاب ونـاب
لفرقا تكسـر ضلوعـي ولاعشـق يوطينـي
أنا رجل ولي غيره وأذا شفت الهـواء كـذاب
تثوربقلبـي الفزعـه ولاتهـدى شياطيـنـي
سؤالك لو يزعزع بي كياني ماقبلـت عتـاب
أجيلك وأسألك نفس السـؤال اللـي سألتينـي
عن العشق القديم أبواب وتقفيها كثيـر أبـواب
بعد ذاك الحبيب اللي خدعني وأنخـدع فينـي
أبي عشق تحسب له كل نضرات العيون حساب
وأبي قلب على قلبي وأبي ديـن علـى دينـي
وأبي كلمة عهد توفي ولاتخلف بدون أسبـاب
وأبي منـك قبـل لانتـي تصدينـي تودينـي
وابي درب على العذال صعب و متعب وغلاب
وابي نفس الطريق الصعب يبعدهـم ويدنينـي
ترى لو للقلوب عيون ولدموع العيون أهـداب
حشى ماتنزل الدمعـه لغيـرك لـو تركتينـي
أنا اول من عرف قدرك وأنا توي صغير وشاب
وأبي منـك مـادام انـك عرفتينـي تحبينـي
مادام أني لقيتك في طريق أسمه غرام أحبـاب
دخيـل الله وبعـد الله دخيـلـك لاتخليـنـي
مادام أن كل من يحيا على وجه التراب تـراب
عسى تنساني الدنيـا مـادام انتـي ذكرتينـي
اتمنى تعجبكم

مشكووووووووووووووورررررررررررررر


عى هالسرقهـ بس بصرآآحهـ تووووووحفهــ


تقبل مروري

مشكورين كلكم على المواضيع اللي تطرحونها عشان محد يزعل واتمنى تشوفوا مواضيعي وتعجبكم واتمنى الرد

مشكووووووور...الصراحه قصيده شييييييييي... :)

يعطيك الف عافيه مجنونكـ

ننتظر جديدكـ